Shqiptarët në Itali preferojnë këto emra për fëmijët e tyre

Prindërit e fëmijëve shqiptarë të lindur në Itali preferojnë më shumë emrat e përhapur italianë. Sipas të dhënave të Istat, mbi lindjet e regjistruara gjatë vitit 2015, fëmijët shqiptarë në Itali kryesisht quhen Noel dhe Kevin, por edhe Andrea, Gabriel dhe Mattias. Për vajzat preferohen emra si Aurora, Noemi, Amelia, Emily dhe Melissa.

Ndërkohë emrat me të preferuar për të sapolindurit italinë, janë Francesco dhe Sofia. Emri i dytë më i zakonshëm për meshkujt është Alessandro, i ndjekur nga Mattia, Lorenzo dhe Leonardo.

Për foshnjet femra, në 3 vendet e para janë Sofia, Aurora dhe Giulia. Francesco është emri më i përdorur në 9 rajone italiane, të gjitha Qendër-Jug.

Alessandro, emri i dytë më i përdorur në Itali është i pari në rajonin Emilia Romagna dhe Marche. Leonardo zë vend të parë në 5 rajone në veri të Italisë.