Si në filma/ banda italiane i bën atentat 4 shqiptarëve në Romë

Një grup shqiptarësh i kanë shpëtuar për mrekulli një atentati nga tre italianë. Ngjarja ka ndodhur gjatë natës në Tor Vergata në Romë.

Mediat italiane raportojnë se tre italianë 58, 31 e 23-vjeç kanë qëlluar me armë ndaj një grupi prej 4 shqiptarësh.

Shqiptarët kanë qenë pranë një lokali në rrugën Musomelil, kur u gjenden nën breshërinë e të shtënave.

Policia prangosi tre autorët, që akuzohen për tentativë vrasje dhe ka shoqëruar shqiptarët për t’i marrë dëshmitë.

Nuk ka ende ndonjë motiv zyrtar nga policia, por thuhet se autorët kryenin grabitje. Ata udhëtonin me një automjet Nisan Micra kur zbarzën armët ndaj shqiptarëve.

Në banesa atyre iu gjetën sende që i kompromentonin, mes të cilave edhe taleba të policisë.