Silva Gunbardhi ngrihet në këmbë në Top Show për të kënduar këngën e ‘vjehrrit’

Silva Gunbardhi, këngëtarja e “Të ka lali shpirt”, që konsiderohet edhe si hiti më i famshëm shqiptar në botë me rreth 250 milionë shikime në You Tube, ishte personazhi i parë i ftuar sonte në emisionin “Top Show Magazinë”.

Ndër të tjera këngëtarja e njohur nga Vlora ka hedhur dritë jo vetëm mbi suksesin e saj në muzikë, por edhe për jetën e saj larg projektorëve dhe medieve, shkruan Syri.net.

Një detaj që ka dominuar shumë intervistën e saj, ka qenë ai i faktit se ajo ndihej jo vetëm vlonjate, por edhe dibrane, andej nga e ka edhe bashkëshortin e saj, këngëtarin e talentuar Dafi, i cili gjithashtu është bashkautor i “Të ka lali shpirt”.

A jo ka zbuluar se ka përvetësuar shumë mirë dialektin dibran dhe zakonet e tyre. Madje spikati edhe një detaj interesant: kur iu kërkua të këndonte këngët vlonjate, ajo këndoi nga ulur, por kur iu kërkua të këndonte këngë dibrane, ajo menjëherë u ngrit, doli në skenë dhe nisi të këndonte me muzikë dhe mikrofon këngë e “Hajredin Pashës”.

Por ky detaj nuk i shpëtoi  as Alban Dudushit, i cili e ngacmoi, duke thënë: “Këngën e origjinës e këndoi ulur, ndërsa këngën e vjehrrit e këndoi në këmbë”.