Snajperi që ka vrarë 47 persona: Njërin e ekzekutoi 1.5 km larg

Një snajper britanik, me 47 vrasje të konfirmuara, qëndron në pikën më të lartë të bazës ajrore Al Asad, duke monitoruar përmes dylbisë së armës.

Misioni i tij i fundit i snajperit- një prej vrasësve më vdekjeprurës në Britani- është të mbrojë 250 trupa britanikë nga ndonjë sulm i mundshëm i Shtetit Islamik.

I pozicionuar në çati, ai pret që xhihadistët të afrohën në bazën e fortifikuar në provincën Anbar, në perëndim të Irakut.

Emri i tij nuk publikohet për arsye sigurie pasi druhen se terroristët do i kërcënojnë familjen.

Snajperi njëherë vrau një rebel me një plumb të vetëm nga një distancë prej 1.431 metra.

“Askush nuk ka guxuar të afrohet tek baza që kur jemi vendosur këtu,” thotë ai.

Snajperi ka 20 vite në ushtri.

“Ne jemi sytë e ushtrisë në terren. Raportojmë çdo detaj të vogël”.

Snajperi ka shërbyer në Bosnje, Irak, Afganistan, Kosovë dhe Irlandën e Veriut.

Ai thotë se mund të shkojë edhe në Mosul, nëse ia kërkojnë diçka të tillë.

“Kam 20 vjet që bëj diçka të tillë. Është diçka që të shijon, jo në mënyrë sadiste. Do të shkoja që nesër në Mosul. Të gjithëve po u ‘hanë duart’ që të shkojnë atje”.

Zakonisht në një mision normal, ai kryen turnin prej 12 orësh.

Misioni i tij më i vështirë ka qenë kur iu desh të qëndronte 24 orë pa lëvizur, në pritje të shënjestrës.

“Mendojmë dhe planifikojmë shumë përpara se të bëjmë ekzekutimin”.

Ai e qëlloi kryengritësin taliban nga një vrimë 45 centimetra, në një largësi prej 300 metrash.