Socialistët francezë shmangin përçarjen në garën presidenciale

Figurat kryesore të Partisë Socialiste, që drejton Francën aktualisht, po përpiqen që të shmangin përçarjen mbi përzgjedhjen e kandidatit të tyre për zgjedhjet presidenciale._92689701_036607308-1

U duk si alarm deklarata e Kryeministrit, Manuel Valls, i cili deklaroi se mund të garonte përballë Presidentit, Francois Hollande në garën brenda partisë.

Por sidoqoftë, Valls dhe Hollande kanë ngrënë drekë së bashku këtë të hënën në një atmosferë “të ngrohtë”, njofton zyra e Presidentit. Dreka e tyre ka zgjatur rreth dy orë.

Francois Fillon u zgjodh kandidat i konservatorëve këtë të diel dhe sipas sondazheve pritet që të fitojë lehtësisht dhe përballë kandidates së djathtë ekstreme, Marine Le Pen në zgjedhjet që do të mbahen në dy fundjava në prill dhe maj.