Superliga/ Skënderbeu nuk zhgënjen, paqe në Gjirokastër

Fitore për Skënderbeun në Korçë ndaj Korabit dhe barazim në Gjirokastër mes Luftëtarit dhe Flamurtarit. Këto janë dy rezultatet e ndeshjeve të para të ditës së sotme, në Superligën shqiptare.

Skënderbeu nuk ka zhgënjyer duke kaluar në avantazh në fund të pjesës së parë. Nigeriani Segun James Adeniyi shënoi për kampionet e Shqipërisë në minutën e 40′ dhe kaq mjaftoi. Ndeshja u luajt në një stadium të boshatisur për shkak të dënimit nga Komisioni i Disiplinës.

Ndërsa në Gjirokastër, ishin vendasit që kaluan në avantazh në të 50-tën me futbollistin nga Mozambiku, Reginaldo Artur Faife. Tetë minuta nga përfundim i kohës së rregullt, kroati Ivan Galic vendos shifrat në baraspeshë.