Takimi me Merkel/ Rama: Nuk kërkojmë asgjë të pamerituar. Edhe BE ka nevojë për Shqipërinë

Kryeministri Edi Rama duke folur pas Kancelares Angela Merkel në një konferencë të përbashkët, mbajtur në Berlin, premtoi se qeveria e tij do të çojë përpara reformat, dhe konkretisht atë të drejtësisë. Rama tha se Shqipëria ka zbatuar direktivat dhe se BE ka nevojë të integrojë ballkanit po aq sa ka nevojë Shqipëria të anëtarësohet në BE.

Pjesë nga fjala e Kryeministrit Edi Rama pas takimit me Merkelin: Faleminderit për ftesën, iu drejtua Rama-Merkelit, duke vazhduar se kjo ftesë vjen në ditën e Pavarësisë së vendit dhe në një moment historik kur Shqipëria kërkon integrimin drejt BE-së. Më tej ai e falenderoi se ka gjetur kohë ta takojë 3 herë përgjatë 3 viteve të qeverisjes së tij.

“Shqiptarët e Shqipërisë dhe të Kosovës janë mirënjohës Gjermanisë dhe Ju për kushtet e Paqes në Ballkan. Procesi i Berlinit është një hapësirë e re komunikimi. Procesi i integrimit europian duhet të jetë një proces sa më i ndershëm. Shqipëria dhe shqiptarët nuk kërkojnë asgjë të pamerituar. Nuk kemi hyrë në këtë rrugë se na e kërkon BE, por na e kërkojnë etërit tanë themeluesit e kombit, si shprehje e ikjes nga Lindja dhe rendja drejt Perëndimit. Na e kërkojnë edhe brezat e rinj si shprehje për të jetuar në demokraci dhe liri.

Ne nuk i shohim detyrat e integrimit si një barrë nga të huaj, por si një borxh ndaj fëmijëve tanë. Shqipëria e mirëkupton dhe mbështet kushtin që shoqëron rekomandimin për zbatimin e ligjit të vetingut për gjykatësit e prokurorët. Kërkojmë nga BE të jetë luajal siç kemi qenë ne me politikën e jashtme që kemi zbatuar 100 për qind vendimmarrjet e BE. Them se jo vetëm Shqipëria ka nevojë por edhe BE-ja për Ne. Do të punojmë për të realizuar objektivat tona për ta bërë Shqipërinë anëtare të BE-së”.