Tani protesta ‘Sillni plehra’. Ricikluesit dalin me parulla, po sulmohen nga AKIP: Jeni 10 vetë, ne 65 mijë

Pas protestave kundër importit të plehrave, ka dalë sot në protestë edhe zëri pro importit: Shoqata e Ricikluesve. Me disa anëtarë të saj, kjo shoqatë ka protestuar nëpër bulevardin kryesor të Tiranës ku ndodhen institucionet kryesore të shtetit që nga sheshi “Nënë Tereza” për t’u bërë thirrje që të fusin në fuqi Ligjin për Menaxhimin e Integruar të Mbetjeve që është thyer mbrapsht në Kuvend me dekret të Presidentit Nishani.

Shoqata pretendon se qëllimi i saj nuk është vetëm mbajtja në këmbë e këtyre biznesve, por edhe investimi që punëson disa qindra njerëz dhe natyrisht, kujdesi për mbrojtjen e mjedisit.

Përkundër protestës së Shoqatës së Ricikliuesve, ka dalë sot Aleanca Kundër Plehrave me një deklaratë, në të cilën i sulmon ashpër: Ja çfarë thotë AKIP:

“Eshte hera e dyte qe shoqata e ricikluesve del ne proteste, dhe asnje nuk e kupton pse. Si mundet qe nje grup interesi te dale ne proteste?! Nuk mundet qe nje grup interesi me interesa te segmentuara legjitime, te dale dhe ta ktheje me dashje si çeshtje publike, çeshtjen e financave te tyre.

Eshte njelloj sikur ne, si perfaqsues te AKIP, apo ju si qytetare te thjeshte te dilni ne shesh, dhe te protestoni per llogarite tona, apo tuajat private bankare.

Si grup interesi ata i kane te gjitha instrumentet per te thene fjalen e tyre, dhe asnje nuk ka polemizuar per kete gje, por zgjidhja qe japim ne si AKIP, shkon pikerisht ne perputhje me shoqaten e ricikluesve : ne ushtrojme presion para autoriteteve qe te trajtohen mbetjet e territorit te Shqiperise, nga ndarja ne burim deri te riciklimi – pra pike per pike, ate qe kerkojne dhe ricikluesit.

I ftojme ata qe mos te behen qesharake, duke bere protesta ne eter, kotsekoti, po te ushtrojne presionin e tyre qe te mblidhen dhe trajtohen plehrat e brendshme, qe eshte ne interes te te gjitheve.

Nese ata e çojne presionin e tyre tek importi si zgjidhje per biznesin, atehere ne veshtrimin tone, interesat e tyre nuk kane asnje lidhje me riciklimin, por thjesht ata po duan te behen pjese e nje industrie te tere gjigande qe kerkon te gropose, apo djege ne investime famekeqe inceneratoresh, duke u kthyer dhe ata si pjese e problemit.

Me kete forme artikulimi, duket se interesi i tyre shkon pertej riciklimit te mbetjeve, dhe per ne si AKIP qendrimi eshte i prere :

Ju si industri, nuk jeni duke i sherbyer interesit kombetar, po ktheheni nje industri e padobishme, dhe per me keq, jeni duke u bere fole per interesa qe kalojne riciklimin, me pasoja te renda per territorin tone.

Ne kete kontekst, AKIP, eshte kunder qendrimin te shoqates se ricikluesve, dhe i fton ata qe ta çojne presionin e tyre atje ku eshte interesi i perbashket.

Interesi i perbashket jane 65 000 firma, dhe mijera ne shesh, jo kerkesat e 10 biznesmeneve, qe tani nuk dihet me as se çfare kerkojne.”