Të pastrosh shtëpinë në 6 të mëngjesit është krim!

Të pastrosh shtëpinë në orën 6 të mëngjesit rrezikon për t’u bërë një krim. Nga tani e tutje të gjitha amvisat e përkushtuara në punët e shtëpisë herët në mëngjes, duhet të merren me diçka tjetër nëse duan të shmangin një dënim penal, përmendur në nenin 659 të Kodit Penal, në Itali.

Këtë e dëshmon historia e një shtëpiakeje napolitane e paditur nga fqinjët për sjelljet e saj, dënimi i të cilës u la në fuqi nga Gjykata Supreme e Gjykimit.

Gruaja i fillonte punët e shtëpisë në orën 6 të mëngjesit duke ndezur radion me volum të lartë, duke u grindur me vajzën e saj, në një zonë shumë të populluar, duke penguar fqinjët të kryenin aktivitete normale.