‘Thikë pas shpine’ për Hollande. Ish-ministri i Ekonomisë kandidon për president

Ish-ministri i Ekonomisë franceze, i cili ka qenë pjesë e qeverisë së presidentit François Hollande do të garojë si kandidat i pavarur,

Kandidimi i tij pritet të shqetësojë rivalët republikanë, të cilët synojnë të zgjidhen sipas sistemit amerikan të “primareve” duke nisur nga e diela, shkruan “BBC”.

Më herët, kandidati tjetër, Alain Juppe akuzoi Macron se ka tradhtuar presidentin Hollande, duke shtuar se i kishte “ngulur thikën pas shpine” atij.

Ish-ministri i Ekonomisë ka qenë dikur “i privilegjuari” i presidentit, ndërkohë që dha dorëheqjen nga qeveria socialiste jopopullore në gusht, për shkak të pakënaqësive në parti me ambiciet e tij politike.

Hollande ende nuk e ka konfirmuar nëse do të garojë për t’u rizgjedhur, një vendim që pritet ta marrë në javët në vijim.