Tiranë, aksident i rëndë në Qafë-Priskë, makina me 4 persona bie në humnerë

Një aksident i rëndë ka ndodhur në Qafë-Priskë të Tiranës, ku një automjet ka humbur kontrollin dhe ka rënë në një humnerë rreth 30 metra.

Sipas informacioneve të para, brenda në makinë ndodhen 4 persona të cilët ishin të bllokuar.

Në vendin e ngjarjes shkuan forcat zjarrfikëse dhe policia.

Zyrtarisht nga Policia e Tiranës njoftohet se të katërt personat u nxorrë nga automjeti dhe janë dërguar në spital për mjekim.

Njoftimi i Policisë Tiranë:

Më datë 27.11.2016, ora 19:20, në vijim të paraprakes së dhënë në lidhje me aksidentin e ndodhur në Qafë Priskë, mjeti tip “Volksvagen”, me targë TR0642P, me drejtues shtetasin J. S, 28 vjeç, ka humbur kontrollin e mjetit dhe ka dalë jashtë rruge, duke rënë në humnerë, ku për pasojë kanë mbetur të dëmtuar drejtuesi i mjetit, i cili po dërgohet në spital me ambulancë, ndodhet nën kujdesin e mjekëve dhe 3 pasagjerët e mjetit, të cilët kanë marrë dëmtime të lehta, jashtë rrezikut për jetën. Terreni ishte vështirë dhe dalja nga mjeti e drejtuesit është bërë me ndërhyrjen e zjarrëfikses. Po kryen veprimet.