Tjetër skandal për Trump: Donald Trump më përdhunoi kur isha 13 vjeç, më pas kërcënoi se do më vriste

Një akuzë tjetër ka ardhur për Donald Trump ne prag të zgjedhjeve , por kësaj radhe jo vetëm për ngacmim seksual por për përdhunim fëmijësh.

Jane Doe pretendon se zoti Trump e ka përdhunuar kur ajo ishte 13 vjeç në vitin 1994 në një apartament në Nju Jork që i përkiste miliarderit Xhefri Epstein, i cili në vitin 2008 u dënua për nxitje të prostitucionit të fëmijëve nën moshë.

Gruaja pretendon se pas përdhunimit, Trump e kishte kërcënuar se nëse bënte publike ndonjë hollësi nga ngjarja, ajo dhe familja e saj “do të vriteshin ose dëmtoheshin fizikisht “, shkruan “The Independent”.

Akuzuesja e tij nuk u paraqit në një konferencë për shtyp që ishte planifikuar, duke thënë se kishte “frikë të madhe” pas marrjes së “kërcënimeve të tmerrshme”.

“Jane Doe ka marrë kërcënime të shumta sot, siç kanë të gjithë paditësit e Trump që kam përfaqësuar”, u ka thënë avokatja Lisa Bloom, gazetarëve.

“Ajo është duke jetuar në frikë. Ajo është shumë e frikësuar për të treguar fytyrën e saj. Ajo ka qenë gjithë ditën këtu, e gatshme për të dalë publikisht , por për fat të keq, ajo ka pësuar një atak frike të tmerrshme.”

Z. Trump ka mohuar me forcë akuzat për përdhunim kundër saj dhe tha se kjo është e gjitha një përpjekje për të njollosur fushatën e tij presidenciale. Avokati i tij, Alan Garten, i quajtur pretendimet “të pamatura, të papërgjegjshme dhe kategorikisht të pavërteta”