Tjetër vdekje në maternitetin ‘Koço Gliozheni’ në Tiranë

Një tjetër rast vdekje është regjistruar në maternitetin ‘Koço Gliozheni’ në Tiranë, ku ka humbur jetën një 60-vjeçare.

Syri.net mëson se viktima është Zenedi Harunaj nga Vlora, e cila ishte operuar përpara disa ditësh në këtë maternitet dhe pasi ishte larguar për në banesë, kishte shfaqur probleme shëndetësore.

Viktima u dërgua nga familjarët ditën e djeshme në spital, ku fatkeqësisht ndërroi jetë. Prokuroria ka nisur hetimet për këtë ngjarje për të zbardhur shkaqet dhe për të zbuluar në rast se ka patur pakujdesi në mjekim.

Kujtojmë se në muajin shtator të këtij viti, 35-vjeçarja Aida Çajka humbi jetën së bashku me foshnjen e saj./SYRI.net/