Transportonte nga Kapshtica 2 kafshë me drogë, arrestohet shtatasi grek

Goditet një rast i trafikimit ndërkombëtar të drogës. Policia Kufitare e Kapshticës në bashkëpunim me atë greke kanë bërë të mundur sekuestrimin e një sasie prej 78 kg kanabis.

Lënda narkotike ishte futur në katër thasë dhe po transportohej me kafshë nga një shtetas grek.

“Nga komunikimi i vazhdueshëm me homologët e policisë greke, Policia Kufitare Kapshticē  u informua se rreth orës 04.30, në afërsi të fshatit grek Argos, rreth 12 km në brendësi të kufirit, forcat e policisë greke kanë kapur një shtetas grek me 4(katër) thasë me lëndë narkotike kanabis sativa me peshë 78 kg”.

Policia kufitare u sinjalizua në orët e mbrëmjes së 25 nëntorit 2016 mbi trafikun e drogës, kur “mjetet speciale të vëzhgimit të instaluara në kufirin e gjelbër nga ana e Policise Kufitare Kapshtice,  në rajonin e piramidave 43-44 (fshati Ponçarë-Devoll) transmetuan sinjalin me foto ku tregohej një shtetas i  paidentifikuar dhe 2 kafshë dore që dallohej se ishin të ngarkuara me thasë duke lëvizur në drejtim të shtetit grek”.

Pas sinjalit të dhënë, u njoftua menjëherë Patrulla e Policisë Kufitare dhe u orjentua për të shkuar në drejtimin e dhënë.

Njëkohësisht  Shefi i Sektorit të Kufirit Korçe ka komunikuar  me telefon me homologun e Policisë Greke, duke i shpjeguar dhe orjentuar për situatën konkrete.

Nga ana e Patrullave të Policisë Kufitare të Kapshtices ka vijuar ndjekja e tyre, ndjekje e kryer  në kushte te errësirës së plote dhe mjergullës së dendur.

Më pas ishte policia greke që bëri të mundur kapjen e drogës dhe transportuesit të tij në afërsi të fshatit grek Argos.