“Tre persona të armatosur kanë hyrë në lokal”, policia shkon dhe ja çfarë gjeti

“Tre persona të armatosur me pistoleta kanë hyrë në lokalin e G. M.” Ky ka qenë denoncimi i një qytetari nga Shkodra i cili ka telefonuar mëngjesin e sotëm.

Drejt lokalit që ndodhej në fshatin Bërdicë, kanë shkuar forca të shumta policie, të cilët dyshuan se mund të bëhej fjalë për një vrasje ose pengmarrje.

Por kur kanë shkuar aty, kanë parë se nuk kishte ndodhur asgjë. Gjithçka ishte e qetë dhe askush me armë nuk kishte hyrë në lokalin e sinjalizuar.

Pas kësaj, uniformat blu kanë njoftuar se po kërkojnë njeriun që u telefonoi dhe bëri këtë njoftim të rremë. Ende nuk ka një emër kush ishte telefonuesi.