Tronditëse: djali nxjerr me forcë nga shtëpia nënën e tij të moshuar

Një burrë në Elbasan, 39 vjeç, ka nxjerrë me dhunë nga shtëpia nënën e tij të moshuar në mes të dimrit. Policia e Elbasanit i ka vënë prangat Altin Zakës, pak momente pas ngjarjes, pasi ai jo vetëm e ka përzënë 63-vjeçaren, por edhe  e ka dhunuar rregullisht para kësaj. S.Z. kishte urdhër mbrojtje nga gjykata, mbrojtje pikërisht nga djali që kishte lindur vetë.

Policia e Elbasanit njoftoi se “arrestimi i tij, u bë pasi  në kundërshtim me vendimin e Gjykatës së Rrethit Gjyqësor Elbasan ka nxjerrë nga banesa nënën e tij shtetasen S.Z, 63 vjeçe. Gjithashtu Gjykata e Rrethit Gjyqësor Elbasan me vendim më datë 12.10.2016 ka dhënë urdhër mbrojtje  për shtetasen S.Z.

Materialet i kaluan Prokurorisë së Rrethit Gjyqësor Elbasan për  veprime  të  mëtejshme për  veprën penale “Veprime në kundërshtim me vendimin e gjykatës” parashikuar  nga  neni  321/2  i Kodit Penal.”