Trump: Askush nga stafi im nuk do të punojë për lobistët dhe politikanët e korruptuar

Presidenti i zgjedhur amerikan, Donald Trump do t’u kërkojë të gjithë të emëruarve të tij që të nënshkruajnë një klauzolë që i ndalon ata të punojnë për lobistët, minimumi pesë vjet, pas largimit nga administrata, deklaroi dje në mbrëmje vonë zëdhënësi i tij.

“Gjëja kryesore për këtë administratë do të jetë që njerëzit, të cilët largohen nga qeveria, nuk do të jenë në gjendje të përdorin këtë shërbim për të pasuruar veten e tyre”, tha Sean Spicer për gazetarët në një konferencë.

Gjatë fushatës së tij, populisti i krahut të djathtë, Trump, në mënyrë të përsëritur premtoi pastrimin e Uashingtonit nga lobistët dhe politikanët e korruptuar.

“Rregulli vlen edhe për ekipin e tranzicionit të presidentit të zgjedhur”, tha Spicer, i cili ka për detyrë të plotësojë rreth 4 000 të emëruar të rinj të nevojshëm për qeverinë e ardhshme.

Ata që aktualisht janë regjistruar si lobistë në nivele shtetërore dhe federale do të ndalohen gjithashtu nga administrata.

Nuk është e qartë se si do të zbatohen ndalimet.

Raportet e medias kanë thënë se “ekipi i trazicionit i Trumpit është në rrëmujë, ku është copëzuar nga grindjet dhe shkarkimet, dhe se nuk ka arritur të paraqesë dokumentet e nevojshme që të lejojë ekipi për të marrë e informacionit e rëndësishme nga agjencitë qeveritare”.

Trump ka sulmuar gazetën e përditshme njujorkeze “New York Times” në Twitter lidhur me një artikull të tillë, duke këmbëngulur se procesi i tranzicionit po vazhdon në mënyrë të efektshme.