Turqia ndalon gazetaren e BBC që po raportonte për shembjen e minierës

Autoritetet turke kanë arrestuar një gazetare që punonte për BBC në gjuhën turke, në jugperëndim të vendit, njofton The Guardian, citon Syri.net.

Hatice Kamer u ndalua ndërsa ishte duke raportuar për një fakeqësi në minierë në rajonin Siirt të dominuar nga kurdët, që la 10 minatorë të vdekur, tha BBC Turkce.

Sipas deklaratës , Kamer po përpiqej të bisedonte me të afërmit e minatorëve të minierën e bakrit që u shemb në 17 nëntor. Përpjekjet e ekipeve të shpëtimit janë duke vazhduar për 6 njerëzit ende të humbur.

Nuk ka pasur asnjë shpjegim për arsyen e ndalimit të saj thuhet më tej dhe asnjë koment nuk bëhet nga zyrtarët turq.

Dhjetra gazetarë janë arrestuar në Turqi gjatë gjendjes së jashtëzakonshme pas grushtit të shtetit që dështoi më 15 korrik. Sipas website Platforma për Gazetarinë e Pavarur, 145 gazetarë janë në burg në Turqi, duke e renditur në vendin e 151 ndër 181 shtete për Lirinë e Shtypit në Botë, publikuar nga Reporterët pa Kufij.