Varrimi i Fidel Castros: Ja cilët liderë botërorë do të marrë pjesë, e cilët jo

Fidel Castro ishte figurë e politikave ndërkombëtare për më shumë se 50 vjet.
Por, mënyra se si e ka udhëhequr Kubën e ndau opinionin, dhe liderët nëpër botë kanë vendosur të marrin pjesë në varrimin e tij apo jo.

Lista e atyre që duan të ofrojnë respekt personalisht për Castron është shumë e shkurtër, me disa aleatë të shquar që kanë vendosur të dërgojnë delegacione në vend se të shkojnë vetë.

Pra, kush po udhëton për në Hanava?

 

Mbase më befasuesja është se Vladimir Putin nuk merr pjesë, por dërgon delegacion.

Më pak surprizë do jetë që presidenti amerikan Barack Obama nuk merr pjesë, e as nuk dërgon delegacion.

Kryeministrja e Britanisë së Madhe Theresa May, presidenti i Francës Francois Hollande dhe kancelarja gjermane Angela Merkel nuk shkojnë, por dërgojnë delegacione.

Kryeministri i Kanadasë Justin Trudeau nuk shkon po ashtu, por dërgon delegacion.

Presidenti i Kinës Hi Jinping nuk shkon, dërgon delegacion.

Kryeministri i Indisë Narendra Modi nuk shkon, dërgon delegacion.

Diktatori i Koresë Veriore nuk shkon, por dërgon delegacion.

Marrin pjesë

Lista e liderëve që do të marrin pjesë në varrimin e Castros është, megjithatë, e shkurtër.

Presidenti i Venezuelës Nicolas Maduro do të marrë pjesë.

Edhe liderët e Ekuadorit Rafael Correa, i Bolivisë Evo Morales dhe Nikaraguas Daniel Ortega do të marrin pesë.

Pritet të marrin pesë edhe presidenti i Salvadorit Sanchez Ceren dhe i Meksikës Enrique Pena Nieto.

Nga Afrika Jugore do të marrin pjesë të paktën dy liderë, presidenti i Afrikës Jufore Jacob zuma dhe ai i Zimbabvesë Robert Mugabe.

Nga Bashkimi Evropian do të marrë pjesë vetëm një lider, kryeministri i Greqisë Alexis Tsipras.

Liderë të tjerë të shquar evropianë që do të marrin pjesë janë ai i Irlandës Gerry Adams dhe ish mbreti i Spanjës Juan Carlos.