Vdekja në landfillin e Sharrës, dështon dëgjesa me shoqatën e gazetarëve, Pollo: Deputetët e PS bojkotuan mbledhjen

TIRANE- Deputeti i Partisë Demokratike, Genc Pollo në një dalje para mediave pohoi se ditën e sotme ishte parashikuar një dëgjesë në Komisionin e Mediave me grupimin ‘Publikus’ dhe shoqatën e gazetarëve për çështjen e mbetjeve në Sharrë dhe pushimit nga puna të Alida Todës.

Por sipas Pollos mbledhja u shty për ditën e hënë, pasi deputetët e maxhorancës bojkotuan komisionin.

“Sot në mbledhjen e komisionit kishim planifikuar dëgjesë me grupin “publikus” dhe shoqatën e gazetarëve që zbuluan ngjarjen e rëndë në Sharrë. Do kishim rënë dakord për këtë çështje. Ndodhi një skenar i shëmtuar, ndodhi bojkot i deputetëve të PS. Ne mendojmë se i bëjmë vend demokracisë, siç mbajtëm dëgjesën me Alida Todën. Të hënën në orën 10:00, pika e parë e rendit të ditës do jetë dëgjesa me grupin e gazetarëve dhe më pas me ministrat e radhës. Të hënë ftoj të gjithë mediat që të mbështesin këtë nismë.”, tha Pollo.