Vetëvrasja/ Dyshime se 32 vjeçari kishte humbur paratë në hashash

Disa orë pas vetëvrasjes së 32 vjeçarit Festim Kanushaj nga Memaliaj, mësohen detaje rreth shkakut të ngjarjes. Burime që citon portali “Jugunews” thonë se Kanushaj kishte investuar parëtë e fituara në emigracion në planaticionet e hashashit. Nga aksionet e shumta të policisë droga që kishte mbjellë ishte shkatërruar dhe për pasojë paratë e investuara kishin shkuar dëm.

Këto të dhëna janë zbardhur nga dëshmitë në policinë e Gjirokastrës të personave që kishin njohje me viktimën.

Grupi i ekspertëve thotë se fillimisht dyshohet se është vetëvrasje por nuk është hedhur poshtë as pista e vrasjes, ndaj hetimet dhe marrja në pyetje vazhdon nga prokuroria.

Familjarët që e kanë transportuar për në spital kanë thënë se e kanë gjetur njeriun e tyre në banesë, të mbushur me gjak dhe armën përbri trupit.

Ngjarja ka ndodhur në zonën e Luftijës, pikërisht aty ku janë shkatërruar muajt e fundit disa parcela me drogë.