VIDEO/ Balerina gjermane kërcen me hitin e Gentës

eamy Blessed, e cila është një balerine e njohur në rrjetet sociale, është shumë e apasionuar pas muzikës moderne shqipe. Dhe këtë dashuri e ka treguar edhe për këngën e Genta Ismajlit, “Squat Baby”.

Bukuroshja me ngjyrë e ka publikuar një video në rrjetet sociale, ku shfaqet duke vallëzuar me hitin e këngëtares shqiptare.

18-vjeçarja është me origjinë nga Gana, por është rritur në Gjermani. Ajo është edhe një tifoze e kombëtares së Shqipërisë.

Në një deklaratë të mëhershme ajo ka treguar se kontaktin e parë me këngëtarët shqiptarë në YouTube e ka pasur krejt rastësisht dhe vendosi që të bëjë koreografi me këngët tona, shkruan Telegrafi.

Ka më shumë se gjashtë vite që Jeamy merret me kërcime moderne, ndërsa prej disa kohësh është e lidhur me shqiptarët dhe ka shumë ndjekës shqiptarë në rrjetet sociale.