Video-monologu i Kryeministrit Rama: Do krijojmë Këshillin Kombëtar të Diasporës, rrofshin shqiptarët

Kryeministri Edi Rama, në video-monologun e kësaj të diele, është fokusuar tek Samiti i Diasporës që u mbajt për herë të parë në Tiranë, ku morën pjesë rreth 1000 emigrantë shqiptarë nga 40 vende të botës.

Kryeministri theksoi edhe njëherë se organizimi i këtij samiti është meritë e qeverisë së tij dhe që është mbledhur për herë të parë. Edi Rama është shprehur se brenda vitit 2017 do të krijohet Këshilli Kombëtar i Diasporës Shqiptare.

Sipas Kryeministrit, kjo do të jetë një strukturë që do të mundësojë bashkëpunimin e shtetit shqiptar me shqiptarët kudo ku ndodhen nëpër botë.