Video/ Shndërroi garazhin si magazinë hashashi, ja si përpunohej

Kishte përshtatur garazhin si magazinë për tharjen e hashashit, por u zbulua dhe përfundoi në pranga.

Policia e Krujës njofton se në pranga u vu shtetasi Emerlla Stafa, 51- vjeç, pasi në një garazh në pronësi të tij ishin duke u tharë më shumë se 300 bimë kanabis sativa, ndërsa 5 kilogramë ishin tharë dhe bërë gati për t’u shitur.

Policia njofton se atij iu gjetën dhe sekuestruan në cilësinë e provës materiale: rreth 300 bimë narkotike në proces tharje; 5 kg lëndë narkotike dhe një armë zjarri pushkë model 56, gjysmë automatike.

Dosja i ka kaluar Prokurorisë së Krujës për hetime të tjera nën akuzat e “Prodhimi dhe shitja e narkotikëvë”, “Kultivimi i bimëve narkotike”dhe” “Prodhimi dhe mbajtja pa leje e armëve luftarake dhe e municionit”.