VIDEO/ Shoferi i dehur i fut 2 mijë lekë mes dokumentave: “I do letrat?”. Polici: Po më korrupton, arrestohesh!

Mes letrave dhe 20 mijë lekë, por i riu është prangosur menjëherë. Policia Rrugore e Tiranës ka ndaluar rreth orës 04:00 të mëngjesit një 24-vjeçar pasi ka rezultuar i dehur në timon dhe për më tepër ka tentuar të korruptojë një efektiv duke i dhënë 2 mijë lekë të reja.

Sipas të dhënave zyrtare më datë 30.11.2016, Specialistët e Sektorit të Korrupsionit në Drejtorinë Vendore të Policisë Tiranë, bënë arrestimin në flagrancë të shtetasit:
– G.M, 24 vjeç, banues në Tiranë.

Policia njofton se i riu, në afërsi të ish- Hotel “Dajtit”, ka qenë duke udhëtuar me automjetin tip “Fiat”, dhe është ndaluar nga Shërbimet e Qarkullimit Rrugor, për kontroll.

Pas testit të alkoolit, nga ana e shërbimeve të Policisë Rrugore i është komunikuar se do i tërhiqet leja e drejtimit pasi është konstatuar nën ndikimin e alkoolit, në këto momente ky shtetas i ka bashkangjitur dokumenteve të tij dhe shumën monetare prej 2.000 lekë, për t’i shpëtuar pezullimit të lejes së drejtimit.

Shërbimet e Policisë Rrugore menjëherë kanë bërë shoqërimin e shtetasit Gazmend Mcini, në ambientet e Komisariatit për veprime të tejshme për “mitdhënie”, si dhe kanë vazhduar procedurat administrative në lidhje me shkeljen e konstatuar, duke i tërhequr lejen e drejtimit.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprën penale “Korrupsion aktiv të personave që ushtrojnë funksione publike”.Polici: Përshëndetje! Ju kujtojmë që jeni nën monitorimin e kamerave të Policisë së Shtetit.
Qytetari: Po në rregull.
Polici: Më jepni dokumentat, edhe lejen e qarkullimit. Fryji të lutem, 4-5 sekonda pa shkëputje…
Polici: Fryji, fryji, fyji, ok.
Polici: Po 0.65 mlg/liter. Testi i parë ju ka dalë mbi normën e lejuar. Për 5 minuta do ju bëjmë edhe një test të dytë. Dakord?
Qytetari: Mirë.
Qytetari: I do dhe letrat e tjera?
Polici: Po i ke ato Kontroll Teknik, Siguracion?
Polici: Testi i dytë të ka dalë 0.45 mlg/litër. Do shoqëroheni në ambjentet e Drejtorisë së Policisë Tiranë. Ke tentuar të korruptosh punonjësin e Policisë