VIDEO/ Tragjike, banesa në Babrru përfshihet nga flakët, humb jetën 2-vjeçari

TIRANË- Një ngjarje e rëndë ka ndodhur sot në Babrru, ku një fëmijë vetëm 2 vjeç ka humbur jetën pasi banesa e tij u përfshi nga flakët. Rasti u regjistrua rreth orës 08:35, në lagjen Shpat.

Burime nga policia e Tiranës bënë me dije për “BalkanWeb” se në banesë gjatë momentit të rënies së zjarrit ndodheshin dy fëmijë të mitur. Për pasojë njëri prej tyre humbi jetën, ndërsa ende nuk është identifikuar.

Sakaq, shërbimet e Komisariatit të Policisë Nr.5 dhe forcat Zjarrfikëse bënë të mundur nxjerrjen shpëtimin e fëmijës tjetër. Nga pamjet e siguruara nga gazetarja e ‘News24’ Dorjana Bezat, shihet se si një barake që përdorej si banesë është shkrumbuar totalisht nga flakët.

Ndërkohë, po punohet për sqarimin e plotë të rrethanave, ndërsa dyshohet se një shëndijë elektrike ka shkaktuar zjarrin.