Video/ Transportuan drogë nga Vlora në Durrës, policia i kap në lokal

Pesë trafikantë droge u kapën nga policia në kushtet e flagrancës. Atyre iu gjetë 70 kg Marjuanë. Operacioni u krye nga agjentët e anti-drogës në Durrës, të cilët kishin informacion se ky grup të rinjsh, transportonin lëndë narkotike nga njëri qytet i Shqipërisë në një tjetër.

Në videon më poshtë shfaqet operacioni policor për arrestimin e :  Pilo Zanaj 34 vjeç, banues në Kaninë, Vlorë, i dënuar më parë për trafikim narkotikësh; Besian Halka 18 vjeç, banues në Shkozë, Tiranë;  Xhevahir Mici 25 vjeç, banues në Mëzes, Tiranë;  Islam Imeraj 31 vjeç, banues në Babrru, Tiranë;  Armando Bardhi 23 vjeç, banues te Fresku Tiranë.

Policia thotë se arrestimi u bë mbrëmjen e djeshme në lagjen Nr.14 Durrës. Ata kishin transportuar drogën nga qyteti i Vlorës për në Durrës me 3 makina të cilat u sekuestruan bashkë me telefonat e tyre celularë.  /Opinion.al