Video/ Viola Spiro flet për herë të parë për të dashurin “misterioz”

E gjendur shpesh mes komenteve dhe “sulmeve” në rrjetet sociale, Viola Spiro, moderatorja e njohur, është gjendur shpesh në vështirësi. Lidhjen e saj të dashurisë, të cilën e ka bërë publike prej disa kohësh, ajo nuk do që ta përflasë në media edhe për shkak sepse partneri i saj nuk është person publik.

E ftuar këtë pasdite në programin e Rudina Magjistarit, së bashku me motrën e saj, Petrula, Viola rrëfeu se nuk ka dëshirë që ta bëjë edhe të dashurin pjesë të showbiz-it: “I dashuri nuk është personazh publik. Duke qenë se komentet për mua, si personazh publik, kanë qenë më agresive, nuk do të doja që këtë presion ta ndiente edhe ai. Unë e vuaj vetë faktin e të qenit personazh publik, ndaj nuk dua që ta vuajë edhe ai këtë pjesë…” – tha Viola ndërsa shtoi se ata të dy frekuentojnë shpesh të njëjtat ambiente në Tiranë, ndaj njerëzit e njohin, tashmë nuk është i panjohur. Sa për fotot në profilet sociale, ajo ka zgjedhur të mos ia tregojë fytyrën për arsyet e lartpërmendura.

viola-spiro-i-dashuri-1-1

Megjithatë, ka edhe këtu një problem tjetër. E ndeshur shpesh me komente negative apo edhe profile false që flasin në emër të saj, për Violën ndonjëherë janë bërë edhe shqetësuese. E pyetur nga Rudina ҫ’mesazh ka për të dhënë për këto komente, ajo tha: “U them të gjithë atyre njerëzve që komentojnë apo që hapin profile false, të bëjnë një gjë më të mirë e më me vlerë në jetën e tyre se sa të merren me mua…. Nuk është se më prishin ditën ato komente, por do ishte më mirë të bënin diҫka me vlerë në jetë.”/revistaclass