VIDEOLAJM/ Batutat me spec mes Edi Ramës dhe Pandeli Majkos

Në “Samitin e Studentëve” të organizuar me rastin e ditës botërore të studentëve, Kryeministri Edi Rama dhe deputeti Pandeli Majko e kanë kaluar me batuta situatën e sikletshme të krijuar pas sulmit ndaj ministres së Arsimit, Lindita Nikolla.

Batutat Rama-Majko

Rama: Tani do të ftoj Pandin, pavarësisht se mund të ndihet më mirë në organizatën e veteranëve sesa të FRESSH-it, por ai është po kaq në vendin e vet. Në këtë foltore, jemi më komplomentar se në çdo situatë tjetër, edhe në Parlament, ku Pandi ka fatin t’i shikojë ngjarjet nga afër kur zhvillohen në arenën e Parlamentit dhe të ketë distancën e nevojshme, dhe këshillën dhe ndihmën e duhur. Dua t’u them edhe një sekret, po të shikoni telefonin tim, më ka marrë me zor të vij këtu, dhe fjalia e fundit ishte: ‘Vendos vetë, por unë të urdhëroj të vish këtu’.

Majko: Ne njihemi prej kohësh dhe duke qenë se dolëm jashtë protokollit. Unë kisha ditëlindjen para dy ditësh, por nuk ishte ndonjë sukses i madh.

Rama: 59, 59!

Majko: I vetmi që nuk më uroi ishte ky, pasi është një rast për të kuptuar se është më i vjetër se unë.

Rama: Nuk të urova me SMS, por të solla dhuratë, po vazhdoi do të them edhe dhuratën.

Majko: Një shihe verë, verë!

Rama: Një shishe verë, se t’i hashashin nuk e do.

Majko: Mos e hapim atë temën e hashashit se kushedi ku dalim.