Vlorë, dy në pranga, njëri kërkohej për mashtrim, tjetri përplasi me makinë këmbësorin

VLORË- Policia e Vlorës ka arrestuar dy persona për vepra të ndryshme penale. Burime zyrtare pohuan se Agim Shehu, 46 vjeç, banues në Cerkovinë ishte shpallur në kërkim për kryerjen e veprës penale të mashtrimit.

Gjatë periudhës 2009-2010 Shehu duke qenë punonjës i OSHEE-së Vlorë, ka përfituar një sasi parash disa personave duke u premtuar se do paguanin energjinë elektrike afrofe (pa kamatë vonese), nëpërmjet mashtrimit. Të njëjtat burime theksuan se ai për këtë vepër penale është dënuar me 3 vite burg.

Ndërkohë, në pranga për “Shkeljen e rregullave të qarkullimit rrugor”, 61-vjeçarin Skëder Leskaj, 61 vjeç, banues në Radhimë. Arrestimi i tij u bë në bulevardin Vlorë-Skelë, pasi duke drejtuar mjetin tip “Dahtsun”, ka aksidentuar këmbësorin M.Z., 91 vjeç, i cili ndodhet në Spitalin Rajonal, jashtë rrezikut për jetën.
(ed.me/BalkanWeb)