Vodhën 400 milionë lekë, dy biznesmenë në pranga një në kërkim. Ja emrat

Dy biznesmenë janë arrestuar, ndërsa një i tretë i ka shpëtuar prangave duke u arratisur. Burime nga Policia e Tiranës kanë bërë të ditur se mbrëmjen e djeshme kanë arrestuar Mehmet Dautin, 45 vjeç, banues në Kukës dhe Sokol Nasufin, 54 vjeç, banues në Tiranë.

Këta dy persona sipas policisë janë biznesmenë kromi dhe kishin ngritur një skemë me anë të të cilët kanë vjedhur shumë prej gati më shumë se 400 milionë lekësh, të vjetra.

Por policia nuk ka mundur të arrestojë një tjetër biznesmen. Rexhep Dauti, 52 vjeç, banues në Kukës i ka shpëtuar policisë.

Këta persona duke qenë administratorë dhe ortakë të disa subjekteve, dyshohet se me anë të mashtrimit, kanë kryer shitje fiktive të kromit, duke falsifikuar dokumente me qëllim rimbursimi dhe përfitimi, pa paguar tatimin e TVSH-së, në vlerën 40.000.000 lekë.

Dosja me materiale i ka kaluar Prokurorisë së Tiranës, për veprat penale “Krijimi i skemave mashtruese lidhur me tatimin mbi vlerën e shtuar” dhe “Falsifikimi i dokumenteve”