Vrasja e Elton Çiçës në ish-bllok, detaje të reja nga hetimi. Gjenden pamje të një kamera sigurie

Prokuroria e Tiranës ka siguruar pamjet filmike të një zyre noterie, ku Jani Aliaj dhe Renato Milloshi, blenë makinën që u përdor në vrasjen e Elton Çiços.

Burimet thonë pas ekspertizës së pamjeve u arrit në përfundimin se personat që blejnë makinën, janë të dyshuarit e vrasjes së Çiços.

Në pamje, duket që Jani Aliaj firmos blerjen e makinës dhe kalimin e pronësisë në emër të Renato Milloshit.

Veç kësaj prove mësohet se prokuroria ka siguruar edhe pamjet filmike të makinës në vendin e ngjarjes, që sjell dhe merr autorin e maskuar që ekzekutoi Elton Çiçon në lokal mbrëmjen e 1 majit të këtij viti.