Zbardhet ngjarja/ Roja i sigurisë në HEC plagosi veten, nuk e qëlluan punëtorët

Eshtë zbardhur plagosja në Dibër e rojes së sigurisë së HEC-it. Dje u tha se Andi Loshën mund ta kenë plagosur punonjësit e shkarkuar nga puna. Por sot, policia tha se 39-vjeçari është vetëplagosur.

“Pas kryerjes së veprimeve të shpejta profesionale dhe hetimore  nga Policia rezultoi  se personi ka bërë kallzim të rremë, pasi është vetplagosur dhe jo ta kishin plagosur”, tha policia.

Ngjarja

Gjatë ditës së djeshme  rreth  orës 15.00 nga  urgjenca  e spitalit rajonal Peshkopi u njoftua se ka mbetur i plagosur me armë zjarri në pulpën e këmbës  së djathtë  jashtë rrezikut për jetën shtetasi Andi Losha, 39 vjeç.

I dëmtuari i deklaroi policisë se në një rrugë të  fshatit Kacni është qëlluar njëherë me armë zjarri por personin që e ka qëlluar  nuk e ka parë.

Menjeherë është organizuar puna nga ana e Policisë për zbardhjen e kësaj ngjarje, ku pas veprimeve të shpejta hetimore të kryera nga ana e Specialistëve për Krimet e Rënda në D.V.P.Dibër në bashkëpunim dhe me Prokurorinë Dibër, është bërë e mundur zbardhja dhe dokumentimi i plotë i ngjarjes ku ka rezultuar se i dëmtuari është vetplagosur aksidentalisht me një armë zjarri Pistoletë.

Pak metra me larg vendit të ngjarjes Policia ka gjetur të fshehur armën e zjarrit e cila është konstatuar së bashku me gëzhojën e bllokuar në folenë e fishekut.

Ndodhur në këto kushte Specialistët e Sektorit për Krimet e Rënda në D.V.P Dibër kanë bërë ndalimin e shtetasit :

Andi Losha 39 vjeç,  banues në Kacni, Dibër, me detyrë përgjegjës i HEC në Kacni.

Janë gjetur dhe sekuestruar në cilësinë e provës materiale rrobat e dëmtuara nga arma e zjarrit , pasi pas vetplagosjes shtetasi Andi Losha i kishte ndërruar rrobat dhe i kishte fshehur.

Si dhe është sekuestruar predha e nxjerrë nga trupi i Andi Loshës.

Provat materiale do të dërgohen për ekzaminim në laboratorin kriminalistik në Tiranë.

114d1570-bd05-465a-9855-70a024364547133c839c-9ea9-4514-b45c-7319bdc2e16f9bae979f-fa4c-4229-afc9-2a72143495e4