Zgjedhjet në Kolonjë, policia nis hetimet për dy persona që u konfliktuan në Barmash

Policia ka nisur hetimet për dy persona për konfliktin që ndodhi në Barmash gjatë zgjedhjeve të pjesshme në Kolonjë për kryetar Bashkie.

Të proceduar janë G.Z 25 vjeç dhe A.L 43 vjeç, të cilët u konfliktuan fizikisht me njëri- tjetrin për motive të dobëta.

Nga hetimet rezultoi se shtetasi A.L e ka goditur shtetasin G.Z. me grushta në pjesë të ndryshme të trupit duke i shkaktuar dëmtime të lehta trupore. Ndërsa ky i fundit, si pasojë e përplasjes fizike i ka thyer shtetasit A.L, një palë syze optike në pronësi të tij.