Zgjedhjet në Kolonjë, policia procedon djalin e kryetares së PS

Policia ka nisur hetimet për dy persona për konfliktin që ndodhi në Barmash gjatë zgjedhjeve të pjesshme në Kolonjë për kryetar Bashkie.

Të proceduar janë Gledis Zaçe 25 vjeç, djali i kryetares së PS dhe Artan Luku 43 vjeç, të cilët u konfliktuan fizikisht me njëri- tjetrin për motive të dobëta.

Nga hetimet rezultoi se shtetasi 43-vjeçari e ka goditur shtetasin Gledis Zaçen me grushta në pjesë të ndryshme të trupit duke i shkaktuar dëmtime të lehta trupore. Ndërsa ky i fundit, si pasojë e përplasjes fizike i ka thyer shtetasit Artan Lukut një palë syze optike në pronësi të tij.