Aksidenti në gropën pranë Lungomares në Vlorë, jepet masa për inxhinierët e firmës

VLORE- Gjykata e Vlorës ka dhënë masën e sigurisë për dy inxhinierët e kompanisë që kryente punimet në rrugën e Lungomares në Vlorë, lidhur me aksidentin tragjik të 26 nëntorit, ku humbi jetën një 18-vjeçar, ndërsa një 21-vjeçar mbeti i plagosur.

Në seancën e zhvilluar paraditen e kësaj të enjteje gjykata ka lënë në burg Ilirian Tahmazin, përgjegjës i sigurimit teknik, ndërsa ka dhënë masën ”arrest shtëpie” për inxhinierin Tomorr Ceno.

Seanca për inxhinierët zhvillohet një ditë pas dhënies së masës së sigurisë për drejtuesin e mjetit Petraq Bejaj, që mbeti i plagosur në aksident, kur mjeti që ai drejtonte ra në gropën e hapur për projektin e Lungomares.

Në pranga u vu dje shefi i hetimit të ngjarjes, Mynyr Ismailaj, nën akuzën për presion ndaj të plagosurit.