Arben Ristani – Edi Ramës: Erdhe si shpëtimtar dhe po ikën si varrmihës

Sekretari i Përgjithshëm i Partisë Demokratike Arben Ristani ka sulmuar Kryeministrin Edi Rama pas video-monologut të kreut të Qeverisë, ku bëri shown e radhës duke u shprehur se është i pakënaqur me veten dhe Qeverinë e tij.

Ristani e krahason Edi Ramën me një shpëtimtar që erdhi në pushtet nisur nga premtimet e bëra dhe që po e mbyll mandatin si varrmihës duke varrosur shpresat dhe ëndrrat e qytetarëve shqiptarë.

Në një status në Facebook, Arben Ristani ironizon me shprehjen e Edi Ramës që nuk është i kënaqur me veten e tij.

“Ndoshta do të kishe dashur më shumë përfitime nga tenderat dhe koncesionet”, i drejtohet Ristani, Kryeministrit.

Reagimi i Sekretarit të PD Arben Ristani:

Pas monologut te perjavshem te Rames dua ti them se:

Erdhe si shpetimtar e po iken si varrmihes i endrres, shpreses dhe besimit te shqiptareve.

Te kuptoj qe sje i kenaqur nga vetja, por kush ta fal qe e ke zhytur Shqiperine ne mjerim, krim, droge dhe korrupsion.

Te kuptoj qe sje i kenaqur nga vetja se ndoshta do kishe dashur te hapje me shume ekspozita, te promovoje me shume libra, te shihje me shume ndeshje te NBA, apo inspektoje stadiumet me te famshme te Europes.

Ndoshta do kishe dashur me shume perfitime nga tenderat dhe koncesionet. Ne fund te fundit ky ishte dhe qellimi i qeverisjes tende.

Rendjen pas qejfeve te tua e paguan shtrenjte qytetaret. Taksat u rriten, cmimi i energjise dhe naftes po ashtu, varferia dhe papunesia pllakosen kudo.

Sot duhet te rendonin ne ndergjegjen tende vetvrasjet per faturen e energjise, familjet e pashpresa qe enden neper kampet e refugjateve ne Gjermani, Holande etj, mijera bizneset e mbyllura nga arroganca dhe arbitrariteti i “shtetit” tend.

Duhet te rendonin ne ndergjegjen tende ata femijet e mitur dhe prinderit e tyre qe trajtohen si skllever ne arat e kanabisit, vdekjet nga shendetesia e munguar e sorollatjet e te semureve pa gjetur zgjidhje.

Sado te perpiqesh me propagande e gjithfare marifeti, nuk do arrish te manipulosh te verteten.

Sje asgje tjeter vecse si ai vrasesi gjakftohte dhe me paramendim, qe ben si i penduar, por qe ne fakt, njesoj do te vepronte sa here ti jepej mundesia.

Erdhe si shpetimtar e po iken si varrmihes i endrres, shpreses dhe besimit te shqiptareve.