Arrestohet mashtruesi që shiste apartamente nga 2-3 herë me para në dorë

Polici e Tiranës ka arrestuar sot një mashtrues, që shiste nga 2-3 herë të njëjtin apartament pa lënë gjurmë, duke marrë para dorazi nga qytetarët.

Policia e Tiranës njoftoi se arrestoi Engjull Begnasin, pas kallëzimit të 38-vjeçares Q. M., banuese në Tiranë. Sipas saj, Engjull Bengasi dyshohet t’i ketë marrë një shumë prej 50.000 euro dorazi duke shmangur veprimet bankare pa mandat arkëtimi, me pretendimet se do t’i shiste dy apartamente në rrugën “Teodor Keko”, Tiranë, por që pasi ka marrë shumën e mësipërme nuk i ka dhënë 2 apartamentet siç ishte bërë marrëveshja, por këto apartamente i janë shitur personave të tjerë.

Materialet iu kaluan Prokurorisë pranë Gjykatës së Shkallës së Parë Tiranë për veprat penale të “Fshehje e të ardhurave”, “Mashtrim dhe falsifikim i dokumenteve (kontrata)”, të parashikuara nga Nenet 180, 143 dhe 186 te Kodit Penal.