Arrestohet në Elbasan “i forti” i dënuar me burgim të përjetshëm në Greqi

Policia e Elbasanit ka arrestuar ditën e sotme një person të dënuar me burgim të përjetshëm në Greqi.
Arrestimi-DumiAi është Sajmir Hasalla, 42 vjeç banues në Elbasan. Ky shtetas, ishte i shpallur në kërkim nga Drejtoria Vendore e Policise Elbasan pasi ndaj tij Gjykata e Rrethit Gjyqësor Elbasan ka vendosur masën e sigurisë “Arrest me burg”, pas njohjes së Vendimit Penal të Gjykatës Larisa Greqi.

Gjykata e Apelit Larisa Greqi me vendim penal të formës së prerë e ka dënuar me burgim të përjetshëm dhe me masë administrative 50.000 mijë euro gjobë për veprat penale “Trafikimi i narkotikëve”, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kiminal” parashikuar nga nenet 283/a/3, 333/a dhe 334 të Kodit Penal.