Blushi: Nuk e kuptoj si Rama thotë se deputetin gjerman e bleu Basha

Deputeti dhe njëherësh edhe themeluesi i partisë më të re LIBRA, Ben Blushi, duke folur në emisionin “Arena”, është ndalur tek çështja e nxehtë e hapjes së negociatave nga ana e Bashkimit Evropian për Shqipërinë si dhe deklaratat e deputetit gjerman Gunther Krischbaum.

Sipas Blushit, është e paimagjinueshme që një kryeministër të akuzojë kreun e opozitës se ka blerë deputetin gjerman për të dalë në deklarata kundër Shqipërisë.

“Unë nuk mendoj se PD ka aq fuqi sat ë korruptojë një deputet të nivelit kaq të lartë. Ti thuash një deputeti gjerman që është korruptuar nga Lulzim Basha, unë nuk e imagjinoj dot. Nuk po flasim për një deputet rumun.” tha Blushi