Blushi për Ramën: E paimagjinueshme ti thuash një deputeti gjerman që është korruptuar nga Basha

Deputeti dhe themeluesi i LIBRA-s, Ben Blushi ka komentuar deklaratat e fundit të bëra pas konferencës për median të mbajtur nga deputeti gjerman, Gunther Krichbaum. Duke folur në emisionin “Arena” në Ora News, Blushi është shprehur se është i paimagjinueshëm fakti që një deputet gjerman mund të korruptohet nga një parti politike në Shqipëri.

“Kanabizimi, para dy orësh BBC pasqyroi dokumentarin e prodhimit të kanabisit. Ne eksportojmë ose drogë ose materiale njerëzore dhe mendon se Europa nuk e shikon dhe duhet të na tolerojë ne. Kjo shpjegon edhe ftohtësinë e Merkel, e cila nuk mund ta imagjinojë dot se si vendi lider i BE nuk është e ndikuar nga çka ndodhi në Tiranë dhe ishte naive të sulmosh një deputet të Bundestagut sikur është ai fajtor.

Unë nuk mendoj se PD ka aq fuqi sat ë korruptojë një deputet të nivelit kaq të lartë. Ti thuash një deputeti gjerman që është korruptuar nga Lulzim Basha, unë nuk e imagjinoj dot. Nuk po flasim për një deputet rumun.

Në këtë klimë të ashpër ne kemi bërë një propozim, duke qenë të bindur se palët nuk do ta merrnin parasysh. Mund të ketë një pakt për Europën, është shumë e mundur që Vettingu të hyjë në fuqi shumë shpejt. Është shumë e mundur që reforma zgjedhore të kryhet shumë shpejt. Në çfarë aspekti? Të ketë kufizim të financime të partive politike, të ketë ndryshim të mënyrës si numërohen votat. E di kush e tradhtoi reformën zgjedhore? Opozita. Opozita braktisi kauzat e veta”, u shpreh Ben Blushi.