‘Brexit’ përfundon në Gjykatën Supreme, qeveria britanike kërkon të drejtën e vendimit

Theresa May do t’i kërkojë sot Gjykatës Supreme anulimin e vendimit që e detyron qeverinë e saj të kërkojë miratimin e parlamentit për të nisur bisedimet e daljes nga Bashkimi Evropian.

Muajin e kaluar, Gjykata e Lartë ka thënë se qeveria britanike nuk fuqi ekzekutive që të zbatojë e vetme nenin 50 të Traktatit të Lisbonës për të nisur procesin e negociatave të largimit nga BE-ja.

Në seancën e apelit, avokatët e qeverisë do të argumentojnë se populli britanik ka dhënë mendimin e vet duke votuar në referendumin e 23 qershorit në favor të daljes nga BE-ja, shkruan “BBC”.

Avokatët gjithashtu do të thonë se një votim në Parlament nënkupton që deputetët do të pyeten saktësisht për të nje3jtën pyetje që vetë parlamenti ia ka bërë elektoratit.

Vendimi pritet të dalë në muajin janar.

Kryeministrja May ka thënë se asgjë nuk do të pengojë planet e saj për nisjen e procesin të largimit nga BE-ja në mars të 2017-ës.

Në referendumin e qershorit, 52 % e britanikëve kanë votuar në favor të largimit nga BE-ja.