Çani: Torino s’e pati shëtitje, përballuam një nga më të mirat

Disfatë e padrejtë për Pizën që nuk e meritonte eliminimin, sidomos me atë rezultat. Barazimi 0-0 për 90 minuta i jep të drejtë sulmuesit shqiptar, Edgar Çani, që të flasë me supremaci për Pizën, e cila, pavarësisht vështirësive ekonomike e shumë të tjera që ka kaluar këtë edicion, u përball thuajse si e barabartë me një nga skuadrat elitare të Serisë A.

Foto Fabio Ferrari – LaPresse 29/11/2016 Torino ( Italia ) Sport Coppa Italia Tim – Torino Fc – Pisa – Quarto turno – stadio Olimpico Grande Torino. Nella foto: Cesare Bovo (Torino Fc) photo Fabio Ferrari / LaPresse November 11, 2016 Turin ( Italy ) Sport Italy Tim Cup Stadio – Torino Fc – Pisa – Stadium “Olimpico Grande Torino”. In the pic: Cesare Bovo (Torino Fc)

“Kemi bërë një ndeshje të kujdesshme e me shumë sakrifica. Madje, krijuam edhe disa situata të vështira për kundërshtarin që duhet t’i kishim finalizuar edhe më mirë. Më vjen keq që përfundoi kështu, sidomos për rezultatin që e bën të duket sikur ka qenë shëtitje për Torinon, por në fakt nuk ishte e tillë. Sa i përket situatës që po kalon klubi, u tha në gusht që do të ndryshonte, mirëpo ende po flasim rreth tyre. Është situatë e padenjë për një ekip të Serisë B”, ka deklaruar sulmuesi shqiptar i Pizës.