Derby Tirana-Partizani/ Procedohen 4 tifozë, u rrahën pas ndeshjes me njëri-tjetrin

Derbi kryeqytetas mes Tiranës dhe Partizanit nuk ka kaluar pa pasoja dhe përplasje mes palëve. Në një njoftim të lëshuar nga Komisariati numër 2 i Tiranës, është konfirmuar se ka filluar procedimi penal për disa tifozë të cilët kishin dhunuar një “rival” pas ndeshjes mes ekipeve kryeqytetase. “Më datë 02.12.2016, u referuan materialet në Prokurorinë e Rrethit Gjyqësor Tiranë, për shtetasit G.Z, K.SH., S.S., dhe E.T. (i dënuar më parë), vjeç 20, 20, 19 e 24, banues në Tiranë, pasi dyshohet se në rrugën “Muhamet Gjollesha”, pas ndeshjes “Tirana­Partizani”, janë konfliktuar njëri me tjetrin, duke dëmtuar në kokë, jashtë rrezikut për jetën, shtetasin Xh.Q. vjeç 19, banues në Tiranë, si dhe xhamat e mjeteve tip “Benz”, e “Fiat”, të parkuara”, shkruhej në këtë njoftim të Policisë së Shtetit.