Dhunë e krim brenda familjeve, Klosi: Gjykatat të ashpërsojnë dënimet

Vrasjet makabre të dy ditëve të fundit kanë tronditur opinionin publik dhe ministri i Mirëqenies Sociale, Blendi Kosi, duke folur sot gjatë fushës “Unë zgjedh të jetoj pa dhunë” ka ngulur këmbë në ashpërsimin e dënimeve nga gjykata për dhunën brenda familjes.

Për vrasjen e dy fëmijëve nga babai i tyre sot në Korçë, ministri tha se “ai rast është një ngjarje skandaloze”, kurse për rastin e gruas që e hodhi nga dritarja, bashkëshorti i saj, ai fajësoi dënimet e buta të gjykatave.

“Ngjarja e Fierit tregon se hallkat nuk kanë funksionuar. Ajo histori kishte kaluar në dyert e gjykatave, po gjykatat duhet të forcojnë dënimet, mekanizmat ligjorë sepse japin dënime të buta sa për të kaluar radhën. Ndaj ne po shqyrtojmë ashpërsinë e ligjit ndaj dhunuesve.”