Durrës, i gjenden 2 kg kanabis në banesë, pranga të riut

DURRËS- Policia e Durrësit sekuestroi 2 kg kanabis, ndërsa në pranga përfundoi një 24-vjeçar. Specialistët e Seksionit për Hetimin e Narkotikëve në Drejtorinë Vendore të Policisë Durrës, në vijim të punë së tyre për parandalimin dhe goditjen e prodhimit dhe shitjes së lëndëve narkotike, kanë arrestuar Edmond Brahjan, banues në qytetin bregdetar.

Arrestimi i tij u bë pasi dje në bazë të informacioneve të marra në rrugë operativë, gjatë kontrollit të ushtruar në banesën e tij, u gjet dhe u sekuestrua në cilësinë e provës materiale rreth 2 kg lëndë narkotike e dyshuar e llojit Cannabis Sattiva.

Materialet I kaluan Prokurorisë së Rrethit Gjyqësor Durrës për veprime të mëtejshme për veprën penale “Prodhimi dhe shitja e narkotikëve”.