E dyshuar për vrasjen e burrit, policia i kontrollon shtëpinë 61-vjeçares, ja ç’gjen

Policia e Krujës ka arrestuar sot një 61-vjeçare, të cilës gjatë kontrollit në banesë iu gjetën një pushkë dhe fishekë.

Në pranga ra Ahmedie Krashi, pasi sipas bluve, në banesën e saj u gjetën dhe u sekuestruan në cilësinë e provave materiale:

• një pushkë, model 56 dhe

• 6 copë fishekë, model 56 , të cilat i mbante pa leje.

Shtetësia e mësipërme ka qenë e dyshuar për vrasjen e bashkëshortit të saj, ngjarje për të cilën aktualisht ndodhet i arrestuar djali i saj.

Materialet i kaluan Prokurorisë së Rrethit Gjyqësor Krujë për veprime të mëtejshme për veprën penale” Prodhimi dhe mbajtja pa leje e armëve luftarake dhe e municionit”parashikuar në nenin 278/2 të Kodit Penal.

LAJMI PER VRASJEN NË 2013

KRUJE- Një ngjarje e rëndë është shënuar në fshatin Tapizë të Krujës. Një 18-vjeçar i identifikuar si Ardit Krashi, ka qëlluar për vdekje, me sende të forta, babain e tij, Dali Krashi 64 vjeç.

Ngjarja ka ndodhur në lagjen Grumbullimi të Tapizës, pas një konflikti. Policia ka rrestuar vetem pak minuta pas krimit autorin.

Në bazë të dëshmisë së 18-vjeçarit, i ati ka mbërritur në shtëpi në gjendje të dehur.

Sipas tij, ai ka nisur të rrahë të gjithë anëtarët e familjes, dhe në përpjekje për ta ndaluar, e ka goditur në kokë për vdekje. Djali është shprehur se nuk kishte për qëllim ta vriste, por vetëm donte të ndalonte rrahen ndaj të ëmës dhe motrave.

“E nxora jashtë dhe e lidha këmbë e duar. Nuk e dija që kishte vdekur”- është shprehur 18-vjeçari.

Familjarët: Na dhunonte vazhdimisht
Policia ka marrë në pyetje edhe familjarët e viktimës, të cilët kanë treguar se nuk ishte rasti i parë që Bajram Krashi vinte në banesë dhe i dhunonte fëmijët dhe bashkëshorten pa shkak. Sipas tyre, kulmi ka arritur mbrëmë, ku pasi ka rrahur bashkëshorten dhe tri vajzat, ai ka marrë thikën për të prerë në fyt njërin nga nipërit që kishte ardhur për vizitë.

Jetesë me të ardhurat e djalit në emigracion
Vetëm djali i madh që jetonte në Angli ishte burimi i të ardhurave për familjen Krashi në fshatin Tapizë të Krujës. Mësohet se prej vitesh ai ndodhej në Londër dhe dërgonte para herë pas here për të mbajtur familjarët. Burime nga fshati thonë se as kryefamiljari Bajram Krashi e as djali i vogël nuk ishin në punë. Vështirësitë ekonomike ishin rënduar akoma më tepër nga përdorimi i alkoolit në mënyrë të tepruar nga ana e të zotit të shtëpisë, i cili përfundonte në dhunë fizike të vazhdueshme ndaj anëtarëve të familjes. Familja Krashi jetonte prej rreth 10 vitesh në fshatin Tapizë, pasi ishte shpërngulur nga një fshat i Dibrës.