E spiunojnë, shqiptari kapet me 5 kg drogë në pyll

Ata u ndaluan në një zonë të pyllëzuar, përballë diskotekës “Ypsilon” në Certaldo të Firences (Itali), me 5 kg marijuanë.

Ishte një klient i diskotekës, që natën mes të shtunës dhe të dielës, ai që lajmëroi policinë për praninë e dy djemve në pyllin përballë biznesit.

Efektivët e policisë mbërritën në vendngjarje dhe gjetën dy të rinjtë, 20 dhe 26-vjeç, teksa flisnin me njëri-tjetrin në errësirën e plotë të natës. Ata u përpoqën të justifikonin prezencën në pyll, por nën këmbët e tyre ishte një çantë, brenda së cilës ndodhej 5 kilogram marijuanë. Të rinjtë u vunë në pranga për akuzën e posedimit të drogës me qëllim shitjen.

20-vjeçari shqiptar, përfundoi në burgun e Sollicciano-s, ndërsa ndaj 26-vjeçarit italian u vendos nga gjykata masa e arrestit shtëpiak.