E zhdukura/ Nipi i presidentit uzbek: I thoni botës se nëna ime është gjallë

I biri i Gulnara Karimova, vajzës joshëse të presidentit të ndjerë uzbek, ka bërë thirrje që të bëhet publike vendndodhja e saj.

Në një intervistë ekskluzive me BBC, Islam Karimov Junior mohoi raportet e fundit që thonë se nëna e tij kishte vdekur, dhe akuzoi shërbimet uzbeke të sigurisë se po e mbajnë atë në izolim.

Karimova është parë një një pasardhëse e mundshme e babait të saj. Por ajo u zhduk nga sytë e publikut në vitin 2014 në mes të një grindje familjare.

Emri i Karimova është i njohur. Ambiciet e saj varionin nga biznesi dhe politika, te moda dhe muzika pop. Emri i saj ka qenë gjithashtu i lidhur me akuzat për korrupsion rreth interesave të saj madhore në tregti.

Djali i saj, i cili jeton në Londër, i tha BBC se Karimova është duke u mbajtur në një hapësirë “dy-tre dhoma aneks” të pronës së saj në Tashkent.