‘Emigranti sapo arriti, përdhunoi dhe vrau vajzën e nëpunësit të BE-së’, zbardhet skena e krimit

Hetimet mbi krimin e ndodhur në tetor ku një vajzë adoleshente në Gjermani u përdhunua dhe pastaj u vra, kanë ardhur në përfundime të rëndësishme pasi një operacioni të madh ku u arrestua një refugjat 17 vjeçar nga Afganistani.

Trupi i 19 vjeçares që po punonte si vullnetare në strehët e vendosura për emigrantët, Maria Ladenburger, është zbuluar në një lum në qytetin Freiburg më 16 Tetor. Hetimet zbuluan se ajo ishte e bija e një juristi të vjetër në Komisionin Europian, e cila ishte përdhunuar dhe pastaj tërhequr zvarrë drejt lumit, shkruan “The Independent”.

Kërkimet për shkaqet e vdekjes së zonjushës Ladenburger u nxitën nga publiku- sipas gazetës Die Welt, i cili e vuri para presionit policinë që të gjente përdhunuesin. Pasi 68 dedektivë ndoqën dëshmitë e personave dhe gjurmët e krimit, 1600 veta lanë intervista, 1400 dëshmitarë u pyetën; pas gjithë këtyre emigranti 17 vjeçar u arrestua- sipas një konference për mediat që mbajti policia të shtunën.

Emri i të arrestuarit nuk është bërë i njohur, por dihet se është i ardhur së fundi në Gjermani, është azil- kërkues nga Afganistani. Policia tha se personi ka rekorde kriminale të mëparshme dhe është hetuar për “hyrje ilegale” në vend. Arrestimi është bërë në një familje Gjermane që e kishte marrë për ta strehuar.

Policia ka mundur të ndërtojë Më parë gjeti flokë në shkurret ku dyshohet se ka ndodhur krimi, që i përkisnin 19 vjeçares. Aty pranë, gjithashtu u gjet një shall që i përkiste viktimës si dhe një biçikletë e hedhur. Të dy objektet raportohet se kishin shenja të ADN-së së viktimës.